Procès Battini-Tomasini-Verdi : le sentiment de Me Eric Barbolosi
(A redazzioni d'Alta Frequenza) - Sivera ! Eccu u qualificativu chì si pò ritena cuncirnendu a sintenza cascata ssu ghjovi dopu meziornu contr'à trè ghjovani militanti naziunalisti da a corti d'assisi spiciali di Parighji. Ghjudicati pà l'attentatu contr'à a sottu prifittura di Corti in u 2012, Nicolas Battini hè statu cundannatu à 8 anni di prighjoni, Stéphane Tomasini à 5 anni, mentri chì Ghjiseppu Maria Verdi, micca prisenti à u prucessu, hè statu cundannatu pà contu soiu à 6 anni di prighjoni. Cundanni guasgi simuli di pettu à i dumandi di u ministeru publicu di a vigilia. Eric Barbolosi, l'avucatu di Stéphane Tomasini, ùn aspittava nulla da una corti d'assisi cumposta di magistrati prufiziunali chì ùn aviani micca da andà contr'à i so pari. Par ellu, ssa dicisioni si situeghja in una certa logica, inghjinnata da un ambienti pessimu in ssu mumentu ind'i mezi di a ghjustizia. Un tamoul, un djihadistu o un corsu, hè listessu pà a ghjustizia antitarrurista.
Steti à senta à Eric Barbolosi.
Sur le même sujet
