Procès Battini-Tomasini-Verdi : grande mobilisation ce samedi à Bastia
(A redazzioni d'Alta Frequenza) - Hè ssu sabbatu dopu meziornu à partasi da 2 ori partendu da u Palazzu di Ghjustizia di Bastia ch'ella ci sarà a manifistazioni urganizata da i sindicati studientini GI, GP è CGC, dopu a cundanna a simana passata da a Corti d'Assisi Spiciali di Parighji di i militanti naziunalisti Nicolas Battini, Stéphane Tomasini è Ghjiseppu Maria Verdi. Una mubilisazioni chì devi trapassà u simplici mondu studientinu, dicini i trè sindicati è essa à l'altezza di quilla urganizata u 24 di sittembri scorsu in Aiacciu à prò di l'annistia di i prighjuneri pulitichi. Femu a Corsica, Corsica Libera, U Rinnovu, ma dinò A Manca è a Liga di i Diritti di l'Omu di Corsica chjamani à una mubilisazioni larga ssu sabbatu in Bastia ; dinunziani tutti una dicisioni di ghjustizia impussibuli à capiscia. Una situazioni propiu paradussali in u cuntestu d'appaciata vulsutu da a sucità corsa, mentri chì l'avvicinamentu, a liberazioni o ancu u ritornu in Corsica di sei militanti naziunalisti ss'ultimi ghjorni sò stati arrighjistrati.
Steti à senta à Paul Salort, u presidenti di a Ghjuventù Indipendentista.
Sur le même sujet
