Problématique des PLU et des cartes communales : le sentiment de Jean-Félix Acquaviva
(A redazzioni d'Alta Frequenza) - Ùn c'hè micca stata manifistazioni pà daveru, cù sciarpa à trè culori ssu ghjovi davanti à l'Assemblea di Corsica, solu una simplici riunioni pà fà senta l'inchietudini di i merri di pettu à i mumenti impurtanti à vena. In fatti, dopu a riunioni calchì ghjornu fà di l'associu di i merri di Corsica Suttana pà fà ricullà i difficultà scuntrati da ss'ultimi duranti l'elaburazioni di i PLU, l'Esecutivu di Corsica hà dicisu di studià u prublema. Prublemi, ci n'hè ghjustu appuntu cuncirnendu l'adattazioni rigulamentaria è l'intarpritazioni di certi legi, com'è a legi ALUR par asempiu. I merri sò custretti di rinuncià à i so ducumenti d'urbanisimu di pettu à una rigulamentazioni di più in più esigenti. U PADDUC è a so traduzzioni nant'à u tarrenu, vali à dì l'ubligazioni ch'ellu imponi duranti l'elaburazioni di i PLU, entri oghji in a so fasa di stallazioni. Ghjuvan Filici Acquaviva era prisenti à ssa riunioni com'è merri, ma dinò com'è babbu di l'appiecazioni di a legi Muntagna in Corsica. U PADDUC, u cunnosci bè, com'è i so difficultà à mettalu in ballu in un'isula induva parechji cumpitenzi s'intrecciani. Ci voli à riveda u PADDUC ? Hè a dumanda chì si poni inifni oghji ed era l'ughjettu di ssa riunioni.
Steti à senta à Ghjuvan Filici Acquaviva.
