Prix de l'immobilier : 138% d'augmentation en 10 ans en Corse
(A ridazzioni d'Alta Frequenza) - « Hè chjaru è nettu u studiu fattu da l’Agenza di l’Urbanismu lla Corsica, par ciò chì tocca à u prezzu di l’immubiliari in Corsica ». Quissa a dici Jean Biancucci, u prisidenti di l’AUC.
Issu studiu, chì curri da u 2006 à u 2017, dici chì a crescita in Corsica hè di 138 %, mentri chì a media naziunali hè di 68 %. In cunsiquenza, l’abitanti di Corsica chì t’ani vadagni midiani ùn poni cumprà in parichji loca di l’isula, chì u prezzu llu metru quatratu hè monda troppu altu par iddi.
L’Agenza di l’Urbanismu ùn si cuntenta d’issu custatu, è vurria chì l’eletti ci riflettini, da truvà calchì idea o suluzioni. D’issu raportu d’altrondi, si ni parlarà pà a prossima sissioni di l’Assemblea di Corsica.
