Prisonniers politiques : mobilisation de l'Associu Sulidarità et de la Ghjuventù Indipendentista
(A redazzioni d'Alta Frequenza) - Mubilisazioni di l'Associu Sulidarità è di a Ghjuventù Indipendentista in Corsica sana ssa dumenica. Ci sò stati in fatti distribuzioni di fuglietti è aduniti in Aiacciu, Purtivechju, Corti, Ghisunaccia, L'Isula, Lucciana è Ulmetu, in sustegnu à i prighjuneri pulitichi è più particularmenti à Nicolas Battini, Xavier Ceccaldi è Cédric Courbey, tutti i trè in quartieru disciplinariu in i prighjoni di Bois d'Arcy è Fleury Mérogis. Un'azzioni "senza ghjustificazioni" à parechji nivelli, sicondu l'Associu Sulidarità. Un prublema di i prighjuneri pulitichi di una manera più generali chì duvaria essa à mezu à tant'altri tematichi à u prugramma di l'appuntamentu trà u presidenti di l'Esecutivu Gilles Simeoni, u presidenti di l'Assemblea di Corsica Jean Guy Talamoni è u Prima ministru Manuel Valls, ssu luni in fin di ghjurnata in Matignon.
Sur le même sujet
