Prisonniers politiques : le témoignage de la mère de Stéphane Tomasini
(A redazzioni d'Alta Frequenza) - Ssu vennari, l'Associu Sulidarità hà amintatu trè casi cuncirnendu prighjuneri pulitichi. U prima cuncerna Paul André Contadini, cundannatu di nuvembri davanti a corti d'appellu di Parighji à cinqui anni di prighjoni par avè traspurtatu è tinutu splusivi in gruppu urganizatu senza chì u mutivu tarruristu sighi ritinutu. L'Associu voli chì nanzi a so liberazioni, quissu quì sighi avvicinatu in a prighjoni di Borgu, ciò chì l'hè ricusatu oghji. U casu di Nicolas Battini hè statu amintatu torna, cuncirnendu i cundizioni pà pudè cuntinuà i so studii. Infini, u casu di Stéphane Tomasini hè statu amintatu dinò. Ssu ghjovanu corsu di 23 anni hè in ditenzioni pruvisoria dipoi guasgi dui anni in cuntinenti cù un cartulari biotu sicondu i so avucati, chì dumandani chì u so cartulari sighi chjosu è ch'ellu sighi libaratu subbitu. Quissu quì prova malgradu tuttu à cuntinuà com'ellu pò i so studii di dirittu in prighjoni, com'ella a ci spieca Maryse Marcantoni Tomasini, a mamma di Stéphane Tomasini.
A stemi à senta.
Sur le même sujet
