Prison ferme pour deux dealers condamnés en comparution immédiate à Ajaccio
Dui parsoni, ghjudicati subitu, sò stati cundannati da u tribunali currizziunali d’Aiacciu à quattru anni di prighjunia, è à 14 mesa di ditinzioni.
Sò stati intarpillati in principiu di sittimana passata, in u quadru d’una inchiesta par trafficu di droga.
À senta ni à Nicolas Septe, u prucuratori lla ripublica d’Aiacciu, l’unità spicializata didicata à a lutta contru à a droga di u cumissariatu d’Aiacciu hà mossu una inchiesta chì hà datu calchì risultatu.
Surviglianzi, tistimugnanzi o altri fatti d’inchiesta ani pirmissu di metta in risaltu un trafficu in Aiacciu è i circonda, ind’idd’erani impignati dui vindidori di cucaina è di pecia di canapu, chì erani attivi in u rughjonu dipoi u 19 d’uttrovi.
Una di i dui parsoni hè stata cundannata à quattru anni di prighjunia, è u pruduttu di a so vendita – ind’idda c’era una vittura di marca Audi - l’hè statu presu.
L’altra parsona si hà buscu 14 mesa di ditinzioni.
À senta ni u prucuratori sempri, « eccu chivi i segni forti d’una vulintà ferma di l’auturità ghjudiziaria di u dipartimentu di luttà contru à i traffichi di droga, l’avè criminali è i prufitti nati da a vendita di droga ».
Sur le même sujet
