Prison de Borgo : Morad Akaouch mis en examen pour tentative d'assassinat, sans qualification terroriste
(A redazzioni d'Alta Frequenza) - Ssa dumenica in principiu di dopu meziornu, a prucuratori di a Republica di Bastia, Caroline Tharot, hà annunziatu a missa in asamini di Morad Akaouch, autori suppostu di i cultillati chì ani feritu gravi dui survighjenti di a prighjoni di Borgu pà prova d'assassiniu. Una missa in asamini senza qualificazioni tarrurista postu chì i tistimunianzi, ancu d'una di i dui vittimi, amintendu mughji "Allah Akbar" di l'autori suppostu, a videò survighjenza mustrendulu vestasi d'una bandera palestiniana dopu a so malfatta, è u suspettu di radicalisazioni u cuncirnendu ùn sò micca elementi chì sò bastati par andà in ssu sensu sicondu a prucuratori. In fatti, duranti a so audizioni, Morad Akaouch hà amintatu un colpu di zerga pà ghjustificà u so gestu. I trè altri prighjuneri in guardia custodia, eppo una donna arristata in u rughjonu di Liò, ùn sò più tinuti oramai da l'inchiestadori, postu chì ùn c'hè micca abbastanza elementi contr'à elli. Morad Akaouch hè statu trasferitu in una prighjoni for'di Corsica.
Steti à senta à Caroline Tharot, prucuratori di a Republica di Bastia.
Sur le même sujet
