Primaires de gauche : la réaction d'Emmanuelle de Gentili
(A redazzioni d'Alta Frequenza) - S’è Benoît Hamon hà vintu a primaria di a manca contr’à Manuel Valls à u nivellu naziunali, l’affari ùn s’hè micca passatu di a listessa manera in Corsica. In Corsica Suttana, Benoît Hamon faci una bella ricullata di pettu à u prima ghjiru è s’avvicina da Manuel Valls chì hè in testa. 1089 voti pà l’anzianu Prima ministru contr’à 1076 pà l’anzianu ministru di l’Educazioni. Benoît Hamon chì hè ancu in testa in certi scagni di votu di u meziornu stremu par asempiu. Ind’è a federazioni di u Partitu Sucialistu di Corsica Suprana, a prima suddisfazioni era di pettu à a participazioni, in crescita significativa cù 3807 voti, contr’à 2690 pà u prima ghjiru a simana passata. Un meghju liatu à un tempu più bellu, ma dinò forsa par via di u duellu putenti trà Benoît Hamon è Manuel Valls. Senza surpresa, hè ss’ultimu chì cù 2560 voti è 68,4% hè statu in testa in Corsica Suprana. Un risultatu chì faci sminuiscia appena a dillusioni d’Emmanuelle de Gentili, prima secretaria di u Partitu Sucialistu di Corsica Suprana, chì sustinia l’anzianu Prima ministru.
Steti à senta à Emmanuelle de Gentili.
