Primaire de la gauche : Manuel Valls sort en tête en Corse
(A redazzioni d'Alta Frequenza) - Hamon, Valls, Montebourg : eccu u podium di ssu prima ghjiru di a Primaria di a Manca à u nivellu naziunali. Ma in Corsica, a spartera hè diffarenti. Ancu s’è ssu prima ghjiru ùn hà mubilizatu tantu, hè l’anzianu Prima ministru chì compii in testa. À u nivellu regiunali, Manuel Valls hà racoltu 50,6% contr’à 25% pà Benoît Hamon. Sò stati 4413 à vutà pà più di 229 000 scritti, vali à dì un nivellu di participazioni d’1,9%. In Corsica Suprana, l’anzianu Prima ministru di François Hollande racogli 58,2% contr’à 20% pà Benoît Hamon è un nivellu di participazioni di 2,2% (2690 parsoni chì ani vutatu). In Corsica Suttana, a participazioni hè stata d’1,6% cù 43% pà Manuel Valls è 30% pà Benoît Hamon.
Sur le même sujet
