PRG de Haute-Corse devant la justice : peine de prison avec sursis et amendes prononcées
(A redazzioni d'Alta Frequenza) - U presidenti di u Partitu Radicali di Manca di Corsica Suprana, Alex Alessandrini, è l'anziana rispunsevuli parlementaria d'Emile Zuccarelli, Marie France Lachaud, dinò secretaria di u partitu, sò stati cundannati di manera rispittiva à trè mesi di prighjoni di modu attimpatu è 10 000 auri d'amenda, è à 3 000 auri d'amenda frà i quali 2 000 di modu attimpatu. Ss'ultimi erini accusati d'avè piattatu un arrubecciu di soldi publichi. Rammintemi chì in u 2007, Marie France Lachaud, dopu avè persu u so impiecu par via di a disfatta d'Emile Zuccarelli à i legislativi, saria stata "impiegata" com'è secretaria di u gruppu PRG à u Cunsighju Ghjinirali di Corsica Suprana. Pari chì ssa cuntrattuali fussi pagata da ssa cullettività, mentri ch'ella travaghja in fatti pà u Partitu Radicali di Manca. L'avvucata d'Alex Alessandrini hà annunziatu ch'ellu voli fà appellu.
Sur le même sujet
