Présidentielles : Core in Fronte appelle au boycott des urnes
Vennari, Cori in Fronti hà fattu una cunfarenza di stampa in Aiacciu, davanti à a prifittura.
Parlendu di i pussibili discussioni cù parigi, u muvimentu hà mintuvatu un’inziativa chì affacca in un cuntestu beddu spicificu è ancu rivuluziunariu.
« L’affari succedi dopu à l’assassiniu puliticu di u patriottu Yvan Colonna in prighjoni d’Arles. Succedi quandì i forzi vivi di u nosciu paesu manifistighjani, ugni ghjornu, in carrughju, ripiddendu a strada lla lutta pupulara, sminticata pà un tempu.
Si prisenta in un cuntestu prisidinziali francesu ind’iddi si facini tutti i prumessi ch’ùn sbuccani, è ancu i manipulazioni.
Iss’iniziativa, subitu, hà fattu veda u pocu ch’idda valia, cù i prupositi ufficiali di i stituziunali francesi ghjuntu u mumentu di difinì l’autunumia, è cù i limiti imposti pà l’ufficialità lla lingua è a ricunniscenza llu Populu Corsu. Issa pusizioni hè un neci pà issu guvernu chì dipoi u 2017, ùn hà mai tinutu i so ingagiamenti », dici u muvimentu.
Ramintendu i fundamintali llu Cullittivu di Corti, Cori in Fronti dumanda d’ùn andà à vutà pà i prisidinziali francesi.
Steti à senta à Luc Bernardini, à nomu llu muvimentu.
