Présidentielle : Yannick Jadot (EELV) en Corse en quête de soutiens nationalistes
Luni, Yannick Jadot, u candidatu di « Europe Ecologie les Verts » pà i prisidinziali francesi, hà fattu un viaghju sinu à Bastia.
Riunioni publichi ùn ci n’hè statu. U candidatu hè andatu à u riscontru d’uni pochi d’eletti lucali, ma supr’à tuttu di u Prisidenti di l’Esecutivu lla Corsica. A intinzioni sarà stata di cunvincia lu di i sumiddi trà u so prugrama è l’autunumismu purtatu da a maiurità tarrituriali.
Yannick Jadot hà parlatu dunqua d’autunumia, di puteri crisciuti pà a Corsica, è di a nicissità di ripiddà u dialugu trà u statu francesu è a maiurità tarrituriali corsa.
Ma ben’intesa, u candidatu hà parlatu di i primuri ambiintali. À liveddu energeticu, hà dittu ch’iddu era à prò di una chjuditura difinitiva di u Vaziu, cuncintrendu tandu i mezi in Lucciana è chjamendu ni à l’usu di u gasu, intantu ch’iddi si sviluppini u fottovoltaicu è l’eulianu.
Steti à senta à Yannick Jadot.
Gilles Simeoni, chì ricunnosci un filu in cumunu trà Yannick Jadot è a maiurità tarrituriali, ùn accunsenti à un sustegnu francu è chjaru à u candidatu eculugistu.
U prisidenti di l’esecutivu dici chì sustena un candidatu ùn hè di i so cumpitenzi è funzioni.
In sutt’intesu, faci dunqua capì ch’idd’ùn sustinarà à nimu.
Steti à senta à Gilles Simeoni.
Sur le même sujet
