Présidentielle : Benoit Hamon souffle le chaud et le froid lors de sa visite à Bastia
(A redazzioni d'Alta Frequenza) - S'ellu c'era bè u ventu mentri u viaghju di Benoît Hamon in Bastia, candidatu di u Partitu Sucialistu è d'Europe Ecologie les Verts pà a prisidinziali, certi diciarani chì ùn era micca un ventu di nuvità. In fatti, dopu avè visitatu i stallazioni di u centru di ricerchi Stella Mare, l'associu LEIA è a missioni lucali, Benoît Hamon hà urganizatu duranti più di un'ora un meeting assestatu davanti una sala pulivalenti di Lupinu colma. Prisintendu u so prugramma, è frà altru u principiu di u rivinutu universali, u candidatu hà fattu solu calchì rifarenza à a Corsica, pighjendu à Pasquale Paoli com'è asempiu, o amintendu a nicissità di scriva a Corsica nentru a Custituzioni. I sughjetti difficiuli, com'è a cuufficialità o a dumanda di l'annistia di i prighjuneri pulitichi, sò firmati fora di u so discorsu. Benoît Hamon hà parlatu quantunqua di ssi sughjetti à u nostru microfonu, sottu a forma d'una porta bella sarrata.
Steti à senta à Benoît Hamon.
