Présidentielle 2022 : la prise de parole du Dr Michel Mozziconacci
Via un cumunicatu, u duttori Michel Mozziconacci parla di l’alizzioni prisidinziali francesa :
« U prisidenti hè u solu di i candidati à purtà un sustegnu à a custruzzioni aurupeana è à u mantinimentu in l’Euro. U dialugu, senza dibulezza, ch’iddu hà mantinutu cù u puteri russiu, mentri chì a guerra in Ucraina arreca minacci geopulitichi ecunomichi è militari, hà fattu veda a so capacità à gistì crisi trimendi com’è quissa », spieca u duttori Mozziconacci, chì cuntinuvighja dindu chì « a noscia Corsica hà bisognu di paci in i cori è in i menti, d’un dialugu sinceru trà u statu è i cullittività lucali, trà u guvernu è l’eletti, è ancu di più trà tutti i citadini ».
« Dindu, via u so primu ministru, ch’iddu era apartu à l’autunumia, u prisidenti lla ripublica hà fattu veda ch’iddu era cambiatu è ch’iddu avia presu in contu l’attesi novi lla pupulazioni. Hè ora di lacà curra i pusturi marziali, i picculi calculi, i ricuparazioni pulitichi ,è di rinuncià à ugni viulenza.
L’autunumia sarà ciò chì no’ ni faremu insemi. Devi apra una via nova pà a noscia isula, da culandi bè à i so aspetti stitiziunali o amministrativi, è devi porghja una pirspittiva nova à a noscia ghjuvantù », dici in chjudenda u cumunicatu.
