Préservation des îles Lavezzi : actions concertées de l’OEC et de la ville de Bonifacio
U sedici di ghjunghju, l’Uffiziu di l’Ambienti è a cumuna di Bonifaziu ani discorsu di l’azzioni avviati da limità l’accessu à certi punti di l’isuli Lavezzi.
L’Uffiziu è a mirria ani fattu u bilanciu d’iss’impegnu cullittivu, è datu i dirizzioni chì ani da permetta di rinfurzà a calata lla fraquintazioni aghjà vista annu.
Ci sarà un ritrovu passata a statina, da custruì insemi l’arrestu municipali chì devi limità u numaru di i parsoni privisti in l’isuli ugni ghjornu.
Via un cumunicatu, Jean-Charles Orsucci è Guy Armanet ani difinitu issi priurità :
- Guaranzì un accessu libaru è di rigalu à i bunifazinchi.
- Guaranzì l’accessu priuritariu à i sucità bunifazinchi di battelli.
- Cuncirtà si cù i sirvizia llu statu da uttena un aiutu tecnicu è ghjuridicu, è un ritornu di spirienza da i tarritoria chì ani aghjà presu issa via.
Cù u impegnu di tutti l’attori, a cumuna di Bonifaziu hà da pudè cuntà cù a missa in anda d’un ardignu capaci à risponda à i scumissi di a prutizzioni di l’ambienti, di u salvamentu llu patrimoniu, di a maistria di u sviluppu ecunomicu. Cusì vinarani i cundizioni d’un veru turismu duratoghju, dici in chjudenda u cumunicatu.
Sur le même sujet
