Présentation du partenariat pluriannuel ADEC-ADIE
(A redazzioni d'Alta Frequenza) - Dipoi u 1999, a Cullettività Tarrituriali di Corsica susteni l'ADIE, un associu chì aiuta i purtadori di prughjettu chì ùn trovani micca suluzioni ind'u circuitu bancariu nurmali, prupunendu li microcrediti. Un sustegnu chì hà da crescia, parchì l'agenza di sviluppu ecunomicu di a Corsica, l'ADEC, hà privistu non solu d'aiutà u funziunamentu di l'ADIE cù 280 000 auri, ma dinò di dà un millioni d'auri ind'u fondu d'intarvinzioni di l'ADIE, vali à dì, ind'a tisuraria chì parmetti à l'associu di dà microcrediti. Iss'affari hà da parmetta frà altru a criazioni di un imprestitu à un tassu zeru di cumplementi pà certi prughjetti, da schisà un indebbitamentu troppu maiò è troppu in furia di certi prughjetti cù 5 000 auri à u più. Annu fà, l'ADIE hà impristatu 1,4 millioni d'auri à 156 parsoni, 135 impiechi essendu stati criati è mantinuti.
On écoute Jean Zuccarelli, président de l'ADEC.
Sur le même sujet
