Présentation de la future nouvelle centrale gaz du Vazzio
(A redazzioni d'Alta Frequenza) - U prughjettu di a nova cintrali di u Vaziu hè statu lanciatu di manera ufficiali arimani (ghjovi). Ùn c'hè micca una cuntintezza scema, parchì u prughjettu ùn sarà micca compiu à u meghju nanzi à u 2023. Aspittendu, a cintrali di u Vaziu trapassata viaghjarà sempri cù u fuel pisivu. U prughjettu hè dunqua lanciatu ma ùn hè ancu finalizatu ben intesu à u nivellu tennicu. Prima affari ch'ellu ci voli ad arrigulà, u situ di stallazioni : sarà ghjustu in faccia à a cintrali attuali, annant'à un tarrenu custruitu sughjettu prima à l'inundazioni, dui punti chì sò in traccia d'essa sguassati à pocu à pocu. A cintrali nova, hè difinitivu oramai, viaghjarà bè cù u gaz, ma dopu avè cunnisciutu un principiu à u fuel lighjeru, ma quì di sicuru aspittendu a ghjunta di u gaz in Aiacciu è annant'à ssu puntu quì, u prughjettu Cyrénée pari tena. S'è à u nivellu di a Corsica, a nova cintrali s'assumigliarà à calcosa di sprupusitatu, i prughjezzioni prisintati a mostrani, sarà solu "una piccula cintrali".
Steti à senta à Jean Michel Lebeau, u presidenti d'EDF PEI (Pruduzzioni Elettrica Isulana).
Sur le même sujet
