Présentation de l'appel à projets filière bois lancé par l'ADEC et l'ODARC
(A redazzioni d'Alta Frequenza) - Prisintazioni ssu marti in Aiacciu di a chjama à prughjetti di a filiera legnu lanciata à tempu da l'ADEC è da l'ODARC. U scopu hè di prupona una strategia vera di sviluppu è un latu uparaziunali didicatu à a valurisazioni di a furesta corsa. U bughjettu privistu hè di trè millioni è mezu d'auri d'aiutu chì pudarani inghjinnà più di 7 millioni d'auri di prughjetti. Pà l'agenza è pà l'uffiziu di u cunsighju esecutivu, parechji priurità uparaziunali sò missi in avanti : esigenza tarrituriali è ambienti, esigenza tennulogica è urganisaziunali eppo esigenza d'adattazioni di u marcatu. Si tratta in fatti di cambià a tindenza di a sola impurtazioni è di prupona un'alternativa vera di sviluppu è di criazioni d'impieghi. Una chjama à prughjetti chì intarveni mentri chì l'interprufiziunali hà lasciatu in quantità numarosa u gruppamentu di prufiziunali. Eppuru, l'eletti ùn volini micca essa in a pulemica, mancu appena. T'emi bisognu di un'interprufiziunali forti, hà dittu Ghjuvan Cristofanu Angelini, u presidenti di l'ADEC.
Steti à senta à Ghjuvan Cristofanu Angelini.
