Première pour les Médiévales de Biguglia ce week-end
(A redazzioni d’Alta Frequenza) - Biguglia hà da ricullà u tempu duranti una dumenicata. Hè ciò ch’ella si pò dì postu chì i primi medievali di Biguglia si tinarani issa dumenicata. A manifestazioni, urganizata da a merria di Biguglia, t’hà pà tematica di fondu u ritornu di Vincentellu d’Istria. Quissu quì, vici rè di Corsica da u 1421 à u 1434, annata duva ellu fù statu scapatu da i ghjenuvesi, hè divintatu unu di i simbuli di Biguglia, capitali di a Corsica à iss’epica quì. In fatti, una statula di più di trè metri hè impustata nant’à u ghjiratoghju di Ceppe, rammintendu à Vincentellu à tutti quilli chì passani pà issi lochi. Una manifestazioni chì si tinarà da u cantu di l’ippodromu di Biguglia cù un’intrata à quattru auri pà i maiò è à dui auri pà i zitelli. Un prezzu assai bassu dunqua malgradu a prisenza di più di 120 figuranti ghjunti da cuntinenti cù tuttu u so matiriali. U prugramma di a manifestazioni, chì hè statu prisintatu pocu fà da u direttori artisticu di a manifestazioni cù l’aiutu di a cumpagnia di i Berserkers, sarà riccu. Ci sarani numarosi attelli, com’è tiru à l’arcu, caligraffia, è altri attività pà u publicu. Animazioni sarani à u prugramma dinò, cù spiecazioni storichi, cumbatti… Canoni è ancu una catapulta sarani in mostra duranti issa dumenicata.
On écoute Jean-Marc Georges, directeur artistique de la confrérie des vieux métiers du Moyen Âge.
Sur le même sujet
