Premier tournoi international U11 de football d’Ajaccio : c'est parti !
(A redazzioni d'Alta Frequenza) - Hè principiatu stamani (sabbatu) à 10 ori annant'à i tarreni di Timizzolu u Prima Turneu Internaziunali U11 d'Aiacciu, urganizatu da l'ACA. Ss'evenimentu, urganizatu fin'è dumani à sera, adunisci più di 300 zitelli, di una decina d’annati, chì ghjocani ind’i sizzioni ghjovani di clubs prufiziunali o amatori di Corsica, chì ani da scuntrà dunqua altri zitelli chì raprisentani clubs aurupei (Barcelona, Benfica, Monacu, Ghjenuva, Ginevra, Liège), ma dinò di Liga 1 è di Liga 2.
Una manifistazioni aurupea è di primura, com'ellu a ci dici u presidenti di l'AC Aiacciu, Léon Luciani.
