Premier tour des municipales à Ajaccio: le sentiment d'Anne-Marie Luciani
(A redazzioni d'Alta Frequenza) - Appena di più d'1%! Eccu u scartu trà Simon Renucci è Laurent Marcangeli dopu à u primu ghjiru di l'alizzioni municipali. À u cuntrariu di i sfarenti sundami chì annunziavani u merri d'Aiacciu largamenti davanti dopu à u primu ghjiru di l'alizzioni municipali, u scartu trà u merri attuali è u diputatu d'Aiacciu si riassimu à appena di più d'1% - 1,09% esattamenti. Simon Renucci arrighjistreghja in fatti 36,30% di i voti è Laurent Marcangeli 35,21%, propiu luntanu dunqua da l'annunzii di i sundami. José Filippi hè u solu à trapassà i famosi 10% ma i so 10,91% sò luntanu da i spiranzi di a famighja naziunalista. U Front National trapassa l'8%, ciò chì li dà a pussibilità di fà una fusioni. L'altri listi sò sottu à i 5% nicissarii è sò eliminati dunqua. Anne Marie Luciani hà arrighjistratu 3,86%, Jacques Billard 2,83% è François Filoni hè ultimu cù 2,60%. Anne Marie Luciani ùn hà micca riisciutu a so scumessa di francà i 5% ma di pettu à i circustanzi, i so 882 voti t'avarani un pesu impurtanti ind'u contu finali a sera di u sicondu ghjiru.
Steti à senta à Anne Marie Luciani.
Sur le même sujet
