Premier bilan 2013 pour la qualité des eaux de baignade en Corse
(A redazzioni d'Alta Frequenza) - L’Agenza Righjunali di a Saluta hà prisintatu, com’è tutti l’anni, i risultati di l’analisi nant'à a qualità di l'acqua duva omu và à ciuttà si, ch'ella sia in mari o à u fiumi in Corsica. In u 2012, 224 siti sò stati cuntrullati (168 pà u mari è 56 pà i fiumi) è 1912 racolti sò stati fatti trà ghjunghju è sittembri, fendu a mostra chì l’acqua era di bunissima qualità in mari è di bona qualità ind’i fiumi, cù di modu rispittivu 98% è 96% di i siti rispittendu l’esigenzi di qualità aurupei. Pà u 2013, un bilanciu pruvisoriu di a campagna di survighjenza – chì si faci in mari da a mità di ghjunghju à a mità di sittembri è chì si compii à a fin di u mesi d’aostu pà i fiumi – hè statu rializatu u 26 di ghjunghju. 318 analisi sò stati fatti in Corsica, vali à dì 19% di u prugrammu, è facini sapè chì a qualità di l’acqua in mari hè bona à più di 98% di l’analisi è di qualità mezana à menu di 2% ; pà ssi fiumi, guasgi 68% di l’analisi pà a bona qualità contr’à 32% pà a qualità mezana. Calchì puntu pessimu d’interdizzioni sò sempri quì com’è ind’u Taravu (da u ponti di Pinu à u ponti d’Abra) in Bastelica (Ponte Vecchio), o ancu pà ssu Golu (Pedigrisgiu è Castellu di Rustinu), è què par via di raghjoni bè pricisi, ch’ellu ci spieca Joseph Mattei, ingeniori à l’ARS, senza scurdà si di parlà di i novi metudi aurupei di valutazioni, più siveri.
Ecoutez-le.
Sur le même sujet
