Préavis de grève du STC de la Collectivité de Corse
U STC di a Cullittività di Corsica hà spostu un avvisu di greva pà u 28 di ghjunghju.
« Di manera rigulara, a voscia amministrazioni pidda dicisioni, ma ùn ci pari chì vo’ i sustenghiti. N’avareti, à veru, cuscenza è cunniscenza ? », dumanda u sindicatu à u prisidenti di l’esecutivu, via una lettara aparta.
« Par ciò chì tocca à i cartulari impurtanti, ùn avanza nienti », dici u STC chì mintuvighja l’urganigramma, i cutazioni, i risichi psicosuciali o u COS.
« O Sgiò Dirittori Ginirali di i Sirvizia, ùn semu un’armata, ùn semu solu numari matriculi. Semu donni è omini, travaddadori corsi pinsirosi di u intaressu ginirali. Una maiurità di i vosci agenti faci u so travaddu, cù i pochi mezi matiriali o umani chì li sò cuncessi. Tandu, ci vurria à avè u curaghju di parlà à l’agenti cuncirnati, inveci d’impona misuri radicali à a maiurità », dici infini u sindicatu.
