Pourvoi en cassation d'Yvan Colonna : verdict le 11 juillet
(A redazzioni d'Alta Frequenza) - L'appellu in cassazioni d'Yvan Colonna hè statu asaminatu stamani (ghjovi) in Parighji. Me Patrice Spinosi, hà missu in avanti davanti à a corti trè punti di u prucessu in appellu di u so clienti. Prima, a missa à palesu di membri di u "commando Erignac" duranti i guardi custodii, dopu a lettara data duranti l'audienza chì ghjunghjia, à ciò chì omu dicia, d'Yvan Colonna adirizzata à Pierre Alessandri, è infini u fattu chì i corti d'assisi spiciali pighjessini a so dicisioni via una maghjurità più chjuca di pettu à i corti d'assisi classichi. U ministeru publicu, ellu, hà avanzatu chì ùn c'era nisun raghjoni di sciappà u terzu prucessu d'Yvan Colonna. A corti di cassazioni rindarà a so dicisioni l'11 di lugliu. S'è un prucessu ùn duvia micca essa sciappatu, tandu i cunsighji di iss'ultimu si ghjirariani ver di a Corti Aurupea di i Diritti di l'Omi da uttena una cundanna di a Francia.
Écoutez Me Patrice Spinosi.
