Poursuite de l’occupation de l’Agence Régionale de Santé par le STC de l’hôpital de Castelluccio
(A redazzioni d'Alta Frequenza) - Cuntinueghja l'occupazioni di l'Agenza Regiunali di a Saluta di Corsica da u STC di l'uspidali di Castellucciu in Aiacciu. In cori di a rivindicazioni, a rialisazioni di travaghji inde l'unità di psicogeriatria, oghji rimissa in causa da u ministeru. Sicondu u sindicatu, a direzzioni avaria prisintatu un prughjettu di 3 millioni d'auri. Un prughjettu chì ùn saria micca ritinutu oghji par via d'una mancanza di mezi, si diciaria in Parighji. Un ritornu in daretu ch'ellu ùn tulareghja micca u STC, soprattuttu ch'ellu stima chì un investimentu in più di 2 millioni d'auri hè nicissariu à u nivellu di i travaghji d'igieni è di securità inde altri sirvizi. U sindicatu aspetta sempri da a parti di a direzzioni di l'ARS chì un missaghju forti ricullessi in Parighji. L'ARS di Corsica avaria, sicondu u sindicatu, prupostu a rialisazioni di un studiu nant'à u prughjettu in psicogeriatria. U risultatu di ssu studiu pudaria avè un'influenza nant'à a dicisioni futura di u Statu. Una pruposta chì ùn cunveni micca à u STC. A mubilisazioni cuntinueghja dunqua.
Sur le même sujet
