Poursuite ce dimanche des Ghjurnate Internaziunali di Corti
(A redazzioni d'Alta Frequenza) - I 37esimi Ghjurnate Internaziunali di Corti, appuntamentu puliticu maiò ogni istati, sò principiati ssu sabbatu. Dilegazioni ghjunti da Catalogna, Paesi Bascu, Pulinesia, Canacchia, Guiana, Sardegna è Brittagna sò stati prisintati prima in fin di dopu meziornu. Dui dibattiti, unu nant'à i prucedimenti di paci è d'annistia è l'altru assai animatu è riccu nant'à l'Educazioni corsa à u 21esimu seculu, ani chjosu ssa prima ghjurnata, nanzi di sicuru à a famosa sirata culturali è musicali. A ripresa di i dibattiti hè privista ssa dumenica à 3 ori, cù I Quaterni di l’Indipendenza – I Trasporti, Catalogna è Canacchia "Referendums d'autoditarminazioni è d'indipendenza", nanzi u gran'dibattitu nant'à u bilanciu di a maghjurità tarrituriali "Guvernu Corsu : Custruimu a Nazione", u meeting di Corsica Libera è una sirata culturali nova cù i gruppi Orizonte è L'Arcusgi.
