Pour la Corse de la fraternité, contre la loi de la honte et contre l'extrême-droite : appel aux rassemblements ce dimanche en Corse
« Pà a Corsica di a fratiddanza, contru à a legi di a vargugna è contru à a strema dritta » : parichji parsoni ani zifratu issa tribuna è ni chjamani l’aienti à accodda si, duminica u 21 di ghjinnaghju à undici ori, davanti à i prifitturi d’Aocciu è Bastia, è davanti à a suttiprifittura di Calvi.
In trè ghjorna, issa chjama, sò 430 ad avè la zifrata.
Trà issi parsoni ci hè Dumenicu Bucchini, l’anzianu prisidenti di l’assemblea corsa, è u preti Gaston Pietri.
Cù issa legi, sò impinsiriti iss’aienti da i cunsiquenzi di a legi ditta « immigrationi-asile », chì ùn rispondi mancu stampa à i causi di l’esiliu furzatu di ziteddi, donni è omini chì fughjini i situazioni di guerra, masimu in u Tarraniu, o chì fughjini u riscaldamentu climaticu.
Issa legi ùn rispondi à a sfida di l’accolta in a dignità, nè à a sfida di a difinizioni d’una pulitica umana d’intigrazioni.
Pà André Paccou, di a Liga di i Dritti di l’Omu, « a pluralità di i signatarii porta un missaghju di primura : a fratiddanza. A noscia chjama s’accoddi parsunalità d’ugni urisonti, intillittuali è universitarii, culturali è artistichi, sindicali, assuciativi, mutualisti, pulitichi è citadini diversi ».
