Pour la CGT finances publiques, la Corse est financièrement dépendante de l'Etat
(A redazzioni d'Alta Frequenza) - S’è l’indipindenza di a Corsica ùn hè mancu appena d’attualità, a CGT di Corsica Suprana, in a so sizzioni finanzi publichi, hà dicisu di pighjà appena d’avanza dicendu chì a Corsica ùn hà micca i mezi d’essala. In fatti, a CGT accerta chì cù 3,6 milliardi d’auri di spesi è 1,3 milliardu di prilevamenti + 400 millioni d’auri di ritirati, u Statu arreca 1,9 milliardu d’auri à a Corsica, è chì i so spesi raprisentani 44% di u PIB di l’isula. U sindicatu parla in francesi di « surenchères poujadistes », è temi chì un scenariu pessimu assai d’autunumia finanziaria di a Corsica divintessi rialità, postu chì pà a CGT, a Corsica ùn pudaria sopraviva senza l’aiuti di u Statu. Un sindicatu cuncintratu dinò nant’à a greva di ssu marti in i finanzi publichi.
Steti à senta à Jean Pierre Battestini.
Sur le même sujet
