Pour Emmanuel Macron, l'urgence en Corse est de faire travailler la nouvelle collectivité unique
(A redazzioni d'Alta Frequenza) - Pà a prima volta dipoi l'alizzioni tarrituriali è a vittoria assai larga di i naziunalisti, u Presidenti di a Republica hà parlatu di a Corsica. Inde un'intervista accurdata à u ghjurnali spagnolu El Mundo, Emmanuel Macron era intarrugatu nant'à a so manera d'agiscia pà ciò chì tocca i dumandi d'autunumia, di cuufficialità di a lingua corsa è di statutu di residenti. Pà u Presidenti di a Republica, "l'urghjenza hè di fà travaghjà a nova cullittività tarrituriali unica di Corsica, chì duvaria pudè metta in eserciziu, ind'i cundizioni i più boni, i so puteri novi par assicurà u sviluppu di l'isula. Hè un cambiamentu essenziali è a prima cunsiquenza di l'alizzioni". È Emmanuel Macron di cuntinuà : "dopu, hè pussibuli di rifletta nant'à l'evuluzioni pussibuli, hà dittu u Prima ministru à i rispunsevuli di a cullittività corsa", prima di pricisà chì malgradu tuttu "hè scrittu, com'è in altrò, inde un quadru, quillu di a Custituzioni di a Republica. Ssu quadru republicanu ùn pò micca risponda à certi esigenzi, com'è u statutu di residenti o a cufficialità di a lingua corsa". Senza cambià a Custituzioni, ùn si cambiarà nulla dunqua ! Wait and see...
Sur le même sujet
