Porto-Vecchio : Incendie de véhicule en centre ville
Dopu ch’idda sichi picciata una vittura in Portivechju, a pracura d’Aiacciu hà apartu una inchiesta, à mutivu di « distruzzioni d’un bè d’appartinenza altra ».
A vittura era staziunata davanti à u « Synd’Rhum », u stabilimentu ind’idda ci hè nata trè sittimani fà a imbarruscata, sparta bè via i reti suciali : una donna era stata lampata in tarra da u girenti di issu stabilimentu.
I fiari ani anniritu a porta è a intruta di u « Synd’Rhum ».
Via i reti suciali, Jean-Christophe Angelini hà presu a parolla :
« Da merri di Portivechju, è à nomu llu Cunsigliu Municipali, voddu dì a me emuzioni è a me indignazioni, dopu à u focu criminali chì hà toccu unu stabilimentu, oramai chjusu, di a noscia cità. Voddu dì tuttu u me sustegnu à Irène Ferrari è à i so fiddoli, prupriitarii di u locu.
Dipoi duminica, è a partenza for’di Corsica di l’anzianu girenti, u locu ùn hè più accupatu è dipendi unicamenti di i so prupriitarii, cunnisciuti è stimati da tutti.
Agindu cussì, hè ad iddi ch’iddu si noci, à nantu à a piazza lla noscia cità, davanti à a ghjesia, dopu à a pulemica sparta via reti suciali issi pochi ghjorna.
Hè ancu picciata a vittura d’un artisgianu, è u bastimentu ind’iddu hè u lucali hè statu toccu ancu iddu. Issu chjirchju di l’odiu è di a viulenza si devi rumpa senza altru.
U Cunsigliu municipali ni parlarà dumani ».
Sur le même sujet
