Pollutions dans le golfe d'Ajaccio: le député-maire dépose plainte contre X et se porte partie civile
(A redazzioni d'Alta Frequenza) - Par via di i pulluzioni successivi di ss'ultimi sittimani in u Golfu d'Aiacciu, "u diputatu è merri di a Cità, Laurent Marcangeli, poni una lagnanza contr'à X. In fatti, i piaghji di a Parata, di San Francè, Trottel è di a résidence des Iles sò stati pulluati è i reguli ambientali ùn sò micca stati rispittati parechji volti. Oghji, l'urighjini di ssi pulluzioni ferma scunnisciuta. A municipalità voli dunqua chì tuttu u lumi sighi fattu annant'à ss'incidenti quì. C'hè quì un inghjocu di saluta publica pà i nostri citadini, hè dunqua a nostra rispunsabilità di metta in opara tutti i mezi ch'è no t'avemi pà riescia à cunnoscia a verità. Ss'episodii dani di manera inghjusta una gattiva riputazioni à u Golfu d'Aiacciu è inghjennani dinò un preghjudiziu ecunomicu in cori di a statina. Da un'antra banda, senza aspittà i risultati di i prilevamenti, a municipalità d'Aiacciu, grazia à u serviziu Igieni è Saluta, in cullaburazioni stretta cù a CAPA è i servizi di u Statu, hà dicisu di metta in ballu un pianu d'azzioni pà cunnoscia l'urighjini di a pulluzioni batteriulogica".
Sur le même sujet
