Pollution atmosphérique : fin de l'épisode à minuit
(A redazzioni d'Alta Frequenza) - Pulluzioni di l'aria : in un cumunicatu ssu luni à meziornu, Qualitair Corse faci sapè chì ssu marti, i nivelli di i cuncintrazioni in elementi fini inde l'aria duvariani essa sottu à i gradi rigulamentarii pà a prutezzioni di a saluta umana è ss'elementi inghjennani dunqua a fini di l'episodiu in corsu, stasera à mezanotti. Malgradu tuttu, i previsioni mettini in avanti una qualità di l'aria chì duvaria firmà nant'à l'isula sana di gattiva qualità pà i 48 ori chì venini (indiziu di qualità di l'aria di 6 nant'à 10). Hè dunqua racumandatu di cuntinuà à rispittà i racumandazioni sanitarii pà i parsoni i più sinsibuli è di suvità dinò i cunsighji di cumpurtamentu par ùn fà crescia a pulluzioni di l'aria à u nivellu lucali.
Sur le même sujet
