Pollution atmosphérique en région bastiaise : maintien de la procédure
(A redazzioni d'Alta Frequenza) - Postu chì cuncintrazioni in elementi fini in suspensioni sò sempri sopra à u nivellu rigulamentariu di 50 µg/m3 è postu chì i nivelli crescini sempri in ssu mumentu, Qualitair Corse manteni a prucedura d'infurmazioni è di racumandazioni lanciata sabbatu pà tutta a zona urbana bastiaccia cuncirnendu i PM10. I cuncintrazioni forti misurati sò sempri inghjinnati da un currenti d'aria carcu in particulari africani di u disertu pà ssi lochi. U fattu chì ss'ultimi cunniscissini un currenti d'aria calda è carcu in particuli fini inghjenna una crescita forti di i cuncintrazioni inde l'aria ambienti. I previsioni facini sapè chì a tindenza duvaria firmà litessa fin'è dumani (marti) in fin di ghjurnata. Ci pudaria essa una calata di i cuncintrazioni cù un cambiamentu inde l'aria grazia à l'acqua, micca privistu nanzi à a notti trà ssu luni è ssu marti.
Sur le même sujet
