Polémique autour du conseil d'administration du Syndicat Mixte de l'Energie 2A : la majorité territoriale ne veut pas se faire avoir
(A redazzioni d'Alta Frequenza) - Prima seenza publica "vera" di l'Assemblea di Corsica è prima cunflittu trà a maghjurità è l'uppusizioni. Un cunflittu abbastanza impurtanti, postu chì i dui gruppi di diritta si ni sò andati in mità di sirata ssu marti. In cori à ssu prima evenimentu di a mandatura, a manera di vutà pà l'alizzioni di i cunsighji d'amministrazioni di u Sindicatu di l'Energia, è di i dui Sirvizi d'Incendiu è di Succorsu. Un'alizzioni di lista maghjuritaria, vali à dì chì i trè istanzi t'ani oramai cunsighji d'amministrazioni solu cumposti, cuncirnendu a Cullittività di Corsica, d'eletti naziunalisti. Ssa dicisioni hà annarbatu assai i trè gruppi d'uppusizioni. S'è Jean Charles Orsucci è u so gruppu, ancu scuntenti, ani sceltu di stà, i dui gruppi di diritta ani mutivatu a so partenza è a suspensioni di a so participazioni à i sfarenti cunsighji d'amministrazioni induv'elli sò stati eletti da ciò chì Jean Martin Mondoloni, presidenti di u gruppu Pè l'Avvene, hà qualificatu di "cumbricula", chì t'hà com'è scopu d'appressu à ellu di cunfiscà ssi trè istanzi à l'eletti di l'uppusizioni senza avè sceltu un'alizzioni prupurziunali. Ind'è a maghjurità, a risposta hè stata chjara : s'è a maghjurità tarrituriali hè stata ubligata à passà pà un'alizzioni maghjuritaria è dunqua à un'uppusizioni micca raprisintata inde u Sindicatu Mistu di l'Energia di Corsica Suttana, hè par via di un passatu vicinu è menu vicinu, Gilles Simeoni citendu frà altru inde a so risposta l'asempiu di u Centru di u Sport duranti l'ultima mandatura, induva l'apartura à un membru di l'uppusizioni hà inghjinnatu a perdita di u puteri dicisiunali di a maghjurità tarrituriali inde u Centru di u Sport. Vali à dì chì sicondu a maghjurità, ùn si tratta più di fassi avè.
Steti à senta à Gilles Simeoni.
Sur le même sujet
