Plusieurs voitures brûlées à Bastia la nuit dernière
(A ridazzioni d'Alta Frequenza) - Parichji vitturi sò picciati issa notti in Bastia. À 2 ori menu vinti, in a Marana, hè brusgiata una Mercedes. Deci minuti dopu, carrughju Luce de Casabianca, à torru à u cumissariatu, trè vitturi sò picciati, è sei sò stati tocchi da i fiari. Po’, dopu à una dicina di minuti dinò, hè picciata una Audi A3, in staziunamentu in a risidenza les Jardins d’Appolonie, in u quartieri Sant’Antonu. È infini, à dui ori è vinti in Montesoru, una Renault Mégane hè brusgiata in tuttu, è dui altri vitturi sò stati dannighjati. U cumissariatu di Bastia hà iniziatu una inchiesta da sapè ni di più , chì sò in crescita i foca di vitturi iss’ultimi ghjorna. Li tuccarà à sapè s’iddu ci hè un puntu cumunu à tutti issi fatti.
Sur le même sujet
