Le Direct

Plusieurs interpellations en Corse

(A redazzioni d'Alta Frequenza) - D'appressu à l'AFP, ci hè stata guasgi una decina d'arristazioni in Corsica dipoi arisera (dumenica), nant'à cartulari liati à un assassiniu è à un trafficu d'armi. Sempri sicondu l'AFP, ss'arristazioni sariani stati fatti ssu luni in Sartè pà l'inchiesta nant'à l'assassiniu di Patrick Sorba, tombu da balli u 24 d'uttrovi di u 2012 in Prupià. Ss'uparazioni pulizzera saria stata dumandata nant'à cumissioni rugatoria di un ghjudici di struzzioni di a Ghjuridizzioni inter righjunali spicializata di Marseghja. Altri arristazioni sò stati rializati in Corti dinò duva trè omi erani dighjà stati presi dumenica à sera pà ciò chì tocca un trafficu d'armi suppostu.