Plusieurs camions incendiés à Biguglia
(A redazzioni d'Alta Frequenza) - Fochi suvitati di splusioni o splusioni liati à fochi : nulla hè cunfirmatu par avà. Ciò chì sicura malgradu tuttu, hè chì 5 camiò di a sucità Vendasi sò stati distrutti tutalmenti stasera (marti) in Biguglia. U focu chì hà calcinatu i veiculi s'hè dopu spargugliatu à u hangar di l'intrapresa. I spinghjifochi di Corsica Suprana sò sempri sopralocu da ammaistrà a situazioni. Una quarantina d'omi è più di deci camiò sò mubilizati. I suldati di u focu temini a sparghjera à i casi à l'intornu. Sperani dunqua di stringhja à u più prestu issu sinistru. U CODIS 2B hà dinò mandatu sopralocu una squadra di sminadori, parchì certi testimunianzi avariani missu in risaltu splusioni intesi nanzi chì i veiculi brugessini. Ma ùn hè par avà micca cunfirmata da l'elementi matiriali.
