Plus de temps à perdre pour le PNC pour partir en campagne territoriale
(A redazzioni d'Alta Frequenza) - Dopu à l'assemblea generali di u 14 di ghjunghju, tutti in campagna ! A brama di u PNC hè chjara, u missaghju mandatu ad altri, Inseme per a Corsica i primi, ancu di più dopu à una cunfarenza di stampa ssu marcuri. L'AG di u 14 ghjunghju, aldilà di u so nivellu elettivu, sarà quì pà difiniscia un prughjettu francu è chjaru di manera à parta in campagna u più prestu pussibuli in u quadru di i tarrituriali. Parta in campagna à partasi di u mesi di ghjunghju hè cunsidaratu da u PNC com'è a suluzioni pà veda Femu a Corsica ghjunghja in testa u 6 di dicembri chì veni, a sera di u prima ghjiru di ss'alizzioni. È s'ella hè chjara chì u PNC si scrivi in a dimarchja Femu, ssa presa di parolla ùn hè mancu appena banali parchì pari custituiscia, di pettu à l'evenimenti annunziati, una rimubulisazioni di i so partinarii d'Inseme, lampendu una chjama à trapassà i diffarenzi pà pudè adunisciasi in furia.
Steti à senta à Ghjuvan Cristofanu Angelini pà u PNC.
