Plus de 98% pour une qualité des eaux de baignade excellente ou bonne en Corse
(A redazzioni d'Alta Frequenza) - Più di 98% pà una qualità di l'acqua pà bagnassi bunissima o bona ! Eccu u custatu fattu ssu marti inde l'Agenza regiunali di a saluta annant'à a situazioni sanitaria di l'acqua in fiumi è in mari in Corsica. Più di 98%, hè un risultatu bunissimu ancu s'è punti chì ponini un prublema sò sempri quì. Pà i fiumi, ssi punti sò cunnisciuti dipoi anni è anni : si tratta di u Taravu, da Ciammanacce fin'è u ponti d'Abra, annant'à u Prunelli, in Bastelica, annant'à u Golu, da Ponte Novu fin'è u Castellu di Rustinu, o ancu annant'à u Vechju, in u Ponti Eiffel è in u Ponti d'Aghjunta. In mari, ùn c'hè micca troppu punti neri in particulari, fora di Calvi, à meziornu di u portu. Altri punti poni essa signalati malgradu tuttu, in casu di prublema puntuali annant'à a reta d'assanimentu o di timpurali, ma ùn hà micca cunsiquenzi durevuli annant'à a qualità di l'acqua. Altra nutizia bona, a situazioni hè vultata à a nurmalità in u Cavu, induv'ellu ùn c'hè più u prublema di a bilarziosa.
Steti à senta à Serge Gruber, direttori saluta publica è medicusuciali inde l'ARS Corsica.
Sur le même sujet
