Pluies importantes en Balagne
(A redazzioni d'Alta Frequenza) - L'acquati sò stati forti in Corsica Suprana ssu luni, soprattuttu in Balagna è in particulari trà Algaghjola è L'Isula. Trà Algaghjola è Aregnu, in Rota, in piaghja, parechji vitturi sò stati bluccati da a piena. Una quindecina di parsoni hè stata missa in securità da i ciuttadori di u SDIS di Corsica Suprana. In L'Isula, magazeni, carciari è garages sò stati inundati è autumubilisti sò stati dinò bluccati. A circulazioni annant'à a Balanina hè stata difficiuli assai. I spignifochi di u dipartimentu ani fattu in tuttu una cinquantina d'intarvinzioni par via di u gattivu tempu.
Sur le même sujet
