PLU de Bonifacio: les grandes lignes
(A redazzioni d'Alta Frequenza) - Più nisun custruzzioni nova nant'à l'isula di Cavaddu ! Eccu u puntu maiò difesu dipoi parechji anni da u merri di Bunifaziu, Jean Charles Orsucci. Ss'isula, ind'a riserva naturali di i Bocchi di Bunifaziu, vedi u so Pianu Lucali d'Urbanisimu mudificatu. Di fattu, una parti impurtanti di l'isula duvaria essa classificata in zoni naturali, mentri chì u rinnovu o a distruzzioni di ruvini cù dopu una rimissa in ordini di u situ sarani autorizati. Apra torna l'accessu pà u publicu à i stradelli è i piaghji hè dinò unu di i scopi di Jean Charles Orsucci, ind'a cuntinuità di ssu PLU. Jean Charles Orsucci, chì hà ammintatu cù noscu di manera larga ssu puntu, ci parla oramai di i tratti maiò di u PLU di Bunifaziu. In prima ligna : rinfurzà a custruttibilità di una certa manera è l'alloghju suciali.
Ecoutez le maire de Bonifacio.
Sur le même sujet
