PLU d'Ajaccio : les conséquences politiques
(A redazzioni d'Alta Frequenza) - Femu Aiacciu-Femu a Corsica s'inchieta dinò ellu di l'annulazioni pussibuli, si vidarà bè u 16 di dicembri, di u PLU d'Aiacciu. A lista purtata da José Filippi è Jean François Casalta hè assai intimurita par via di i cunsiquenzi ch'ella pudaria avè una dicisioni di ghjustizia simuli. Amenta una vera catastrofa ecunomica chì tuccaria a cità impiriali, priva di sviluppu ecunomicu pà parechji anni. Ùn citaremi micca i sciffri di i prugrammi immubiliari annulati, di i rialisazioni rimandati d'arnesi publichi, stradi, scoli, ma u muvimentu puliticu ind'a so analisi volta di manera più pricisa annant'à i raghjoni ghjuridichi chì pudariani inghjinnà ss'annulazioni. Aldilà di i sciffri è di l'aspettu ghjuridicu di u cartulari ch'ellu ci hà spiecatu stamani Jean François Casalta, José Filppi hà vulsutu incalcà annant'à l'aspettu più puliticu di i cosi. D'appressu à ellu, l'annulazioni o micca di u PLU d'Aiacciu hà da ditarminà di sicuru l'argumentazioni pulitica di tutti i listi in campagna pà l'alizzioni municipali di ghjinnaghju.
Steti à senta à José Filippi.
