Plan du recrutement de la justice : quid des moyens affectés en Corse ?
In lu quadru di u pianu maiori di ricrutamentu in a ghjustizia, eric dupond-moetti, u ministru francesu lla ghjustizia, hà annunciatu arimani una prima prughjizzioni lla spartera lli ricrutamenti in i 36 corti d’appellu di francia, privisti da a legi d’uriintazioni è di prugramazioni 2023-2027 di u so ministeru.
A corti d’appellu di Bastia, chì s’accoddi i tribunali ghjudiziarii d’Aiacciu è Bastia, duvaria veda affaccà 53 posti à u minimu, da quì à u 2027 , trà i quali 17 maghjistrati è 20 cancillieri. Da quì à u 2025, ci duvariani essa ancu 16 attaccati di ghjustizia.
Attaccati di ghjustizia, si n’hà da piddà ancu passatu u 2025, ma da sapè quantu pricisamenti, ci vurrà ch’iddi sichini valutati i bisogna lli ghjuridizzioni.
In priurità, issu rinforzu ghjuvarà à a prima istanza, chì l’ughjittivu hè di fà chì l’aienti achini senza tantu tricà a prima dicisioni di ghjustizia.
« I mezi privisti da a legi di prugramazioni ani par ughjittivu di riducia di mità i tempi d’attesa lla ghjustizia », dici u cumunicatu llu ministeru.
Sur le même sujet
