Plages sans tabac : la Ligue contre le Cancer de Corse-du-Sud veut aller plus loin
(A redazzioni d'Alta Frequenza) - C'hè stata un'uparazioni piaghja senza tabaccu urganizata da a municipalità d'Aiacciu calchì ghjornu fà à u Trottel. S'hè fatta in partinariatu cù a Liga contr’à u Cancaru di Corsica Suttana è l’associu di difesa di l’ambienti Global Earth Keeper. Missa in ballu d’una signaletica è racolta di i mocculi da benevulenti di l’associ sò stati à u prugramma di ssa matinata. Un’azzioni di primura pà l’ambienti, ma dinò è soprattuttu pà a saluta, pà a Liga contr'à u Cancaru di Corsica Suttana. Una dilegazioni dipartimintali chì batti à prò di un'interdizzioni tutali di fumà inde tutti i lochi publichi, ancu nant'à a rena dunqua eppo dinò inde certi lochi chì accoglini evenimenti maiò, com'è i stadii. "Ci voli chì u curaghju puliticu fessi a so opara", hà dichjaratu frà altru Sauveur Merlenghi.
Eccu l'intervista di u presidenti di a Liga contr'à u Cancaru di Corsica Suttana.
Sur le même sujet
