Placement d'office pour l'homme qui s'est accusé d'avoir tué ses enfants
(A ridazzioni d'Alta Frequenza) - L’omu chì si hè accusatu d’avè tumbu i so dui fiddoli è pruvatu di tumbà a so moglia, in a notti da marcuri à ghjovi in Vighjaneddu, hè statu missu in spidali psichiatricu vennari dopu meziornu. Parvia di u so statu midicali, ùn si hè pussutu metta lu in asaminu, com’iddu l’hà ditta u prucuratori. Par iddu, l’omu di 41 annu hè par avali piriculosu, par l’altri è ancu par iddu stessu. A prucidura ghjudiziaria hè suspesa, è ùn pudarà ripiddà chè quandì u statu lla parsona a pirmittarà, hà dittu Eric Bouillard. L’omu avaria avutu discorsi « senza capu nè codda ». A so sposa hè sempri à u spidali, in unu statu gravu, ma stabbili.
