Pierre Laurent en Corse pour aider la reconquête du Parti Communiste
(A redazzioni d'Alta Frequenza) - Dipoi i dui ultimi anni, u Partitu Cumunistu, in Corsica, hà fattu risultati eletturali assai bassi pà a so saluta è u so avvena, postu ch'ellu hè passatu largamenti daretu à u Front National duranti l'ultimi tarrituriali è duvia a so prisenza par via di a sola scelta di a fusioni cù un'antra lista trà i dui ghjiri, eppo hè stata infini l'ultima forza eletturali duranti una dipartimintali parziali in Bastia. Eppuru, u Partitu Cumunistu ùn perdi micca a spiranza in Corsica, ed hè ciò ch'ellu hà vulsutu dì u secretariu naziunali di u Partitu Cumunistu, Pierre Laurent, in visita in Bastia pà i legislativi. U Partitu Cumunistu voli capitalizà, s'è no pudemi dì i cosi cusì, nant'à i risultati di Jean Luc Mélenchon mentri a prisidinziali, malgradu a prisenza in Corsica di candidati di La France Insoumise. Tuttu què pà purtà u missaghju d'una manca autentica di pettu à missaghji di più periculosi com'è quillu, d'appressu à ellu, di u naziunalisimu.
Steti à senta à Pierre Laurent, u secretariu naziunali di u Partitu Cumunistu.
Sur le même sujet
