Pic de pollution en Corse-du-Sud
(A redazzioni d'Alta Frequenza) - I stazioni di survighjenza di Qualitair Corse arrighjistreghjani in issu mumentu (luni) "un nivellu di pulluzioni di l'aria assai altun in Aiacciu. Un affari chì cuncerna l'elementi fini prisenti inde l'aria chì entrini inde u sistema respiratoriu. Si tratta di u primu gradu di pulluzioni, nivellu infurmazioni, chì faci chì a pupulazioni devi essa privinuta, frà altru i parsoni i più debbuli (parsoni anziani, zitelli, malati respiratorii, spurtivi...). I gradi attuali ùn ubligheghjani micca à a ghjenti di mudificà i so abitudini ma hè cunsigliatu quantunqua à i parsoni sinsibuli di ùn micca fà sforzi fora s'è i nivelli ùn sò ancu à calà, è dunqua, di rispittà bè i trattamenti medicali in corsu pà a respirazioni o d'adattà li dumandendu à u so medicu".
