Pic de pollution atmosphérique en Corse
(A redazzioni d'Alta Frequenza) - I stazioni di survighjenza di l'aria di Qualitair Corsica arrighjistreghjani in ssu mumentu un tempu di pulluzioni forti. In fatti, dipoi parechji ghjorni, ghjunghjini in Corsica elementi fini di u disertu, in particulari in Corsica Suttana. Sempri sicondu Qualitair, i nivelli sò stati alti dipoi u 9 d'uttrovi è ani trapassatu oghji (luni) u primu nivellu rigulamentariu. I cuncintrazioni duvariani firmà alti tutta a ghjurnata è dumani. Pà a Corsica Suprana, i cuncintrazioni in elementi fini trapassani oramai i nivelli rigulamentari. A prucedura hè dunqua allargata à tutta a Corsica è mantinuta fin'è dumani. U nivellu attuali currispondi à u primu, quillu d'infurmazioni à partasi di quandu si devi privena a pupulazioni, soprattuttu i parsoni anziani, i zitelli, i malati rispiratorii o i spurtivi... Ùn ubligheghja micca dunqua di cambià di cumpurtamentu ma hè cunsighjatu à i parsoni sinsibuli d'ùn fà micca sforzi fora s'è i nivelli ùn calani micca, è tandu di rispittà bè i trattamenti medicali in corsu pà a rispirazioni o d'adattalli dumandendu à u so medicu.
Sur le même sujet
