Pic de pollution atmosphérique dans la région ajaccienne : nouveau point
(A redazzioni d'Alta Frequenza) - Qualitair Corse ammenta dipoi arimani (vennari) una pulluzioni atmosferica dura in u rughjoni d'Aiacciu. "Ssu mumentu forti di pulluzioni cuncerna l'elementi fini inde l'aria chì, par via di a so taglia chjuca, entrini di manera prufonda ind'u sistema rispiratoriu. Semi par avà à u primu nivellu, quillu d'infurmazioni à partasi da chì cunveni di privena a pupulazioni, soprattuttu i parsoni sinsibuli (parsoni anziani, zitelli, malati rispiratorii, spurtivi...). I nivelli usservati in ssu mumentu ùn dumandani micca di cambià u so cumpurtamentu ma hè cunsighjatu à i parsoni sinsibuli d'ùn fà micca sforzi fora s'elli ùn calani micca i nivelli, è, s'ellu hè u casu, di rispittà di manera seria i trattamenti medicali in corsu pà a rispirazioni à d'adattalli dumandendu à u so medicu".I cuncintrazioni misurati calani di manera prugressiva ma fermani sopra à u nivellu d'infurmazioni è di racumandazioni è a prucedura hè mantinuta à u minimu fin'è ssu sabbatu à sera à cinqui ori.
Sur le même sujet
